19 اگست کا دن ملکی تاریخ میں ہمیشہ سیاہ دن کے طور پر یاد رکھا جائے گا، اسپیکر قومی اسمبلی دس سال قبل آج کے دن پارلیمنٹ ہاﺅس کی عمارت کا گھیراؤ اور بعد ازاں حملہ کر کے جمہوریت کے خلاف گھناؤنی سازش کی گی، اسپیکر سردار ایاز صادق19 اگست 2014 کو پارلیمنٹ ہاﺅس کا گھیراؤ اور بعد ازاں اس پر ہونے والے حملے کی جتنی بھی مذمت کی جائے کم ہے، اسپیکر قومی اسمبلیپارلیمان 24 کروڑ عوام کی امنگوں کا ترجمان ادارہ ہے اس کی عزت و توقیر ہم سب پر لازم ہے، سردار ایاز صادق ملک کی تعمیر و ترقی اور عوام کی فلاح وبہبود پارلیمان کی مضبوطی سے جڑی ہوئی ہے، اسپیکر قومی اسمبلیاسلام آباد، 18 اگست 2024: اسپیکر قومی اسمبلی سردار ایاز صادق نے کہا ہے کہ 19 اگست 2014 کو ملکی تاریخ کے سیاہ دن کے طور پر یاد رکھا جائے گا، دس سال قبل آج کے دن پارلیمنٹ ہاؤس کی عمارت کا گھیراؤ اور بعدازاں دو نام نہاد سیاسی جماعتوں کے کارکنوں نے ہلا بول کر توڑ پھوڑ کی اور قیمتی تنصیبات کو نقصان پہنچایا۔ انہوں نے کہا کہ اس شرمناک واقع کی جتنی بھی مذمت کی جائے کم ہے۔ اسپیکر نے کہا پارلیمان عوامی امنگوں کا ترجمان ریاست کا اعلیٰ ترین ادارہ ہے اس کی عزت و توقیر اور حفاظت ہم سب کی مشترکہ ذمہ داری ہے۔ انہوں نے کہا کہ کسی کو بھی پارلیمان کے تقدس کو پامال کرنے کی اجازت نہیں دی جاسکتی۔ا ن خیالات کا اظہار انہوں نے نام نہاد سیاسی جماعتوں کی قیادت اور کارکنوں کے پارلیمان پر حملے کے 10 سال مکمل ہونے پر اپنے پیغام میں کیا۔اسپیکر سردار ایاز صادق نے کہا کہ کوئی بھی جمہوری سوچ رکھنے والا پارلیمان کے تقدس کو پامال کرنے کا تصور بھی نہیں کر سکتا۔ انہوں نے کہا کہ 19 اگست 2014 کے دن پارلیمان کی عمارت کے گھیراؤ اور بعد ازاں اس ہونے والے شرمناک اور افسوس ناک حملے کی دلخراش یادیں ہمیشہ عوام کے ذہنوں پر نقش رہیں گی اور انہیں جمہوری اقدار اور اصولوں پر کیے جانے والے حملے کی یاد دلاتی رہیں گی۔ انہوں نے کہا کہ پارلیمان پر حملہ نہ صرف جمہوریت پر حملہ تھا بلکہ ریاست کے بنیادی ستونوں پر بھی ضرب تھی۔اسپیکر نے ان تمام اراکین، عملے، اور سیکیورٹی اہلکاروں کی بہادری اور استقامت کی تعریف کی جنہوں نے مشکل حالات میں پارلیمان کا دفاع کیا اور آئین و قانون کی حکمرانی کو برقرار رکھا۔ اسپیکر نے اس وقت کی حکومت، پارلیمان میں موجود اپوزیشن کی سب سے بڑی جماعت پاکستان پیپلز پارٹی اور دیگر سیاسی جماعتوں کی قیادت اور اراکین کے کردار کو بھی سراہا جہنوں نے نام نہاد سیاسی جماعتوں کی جانب سے پارلیمان پر ہونے والے حملے اور جمہوریت مارے جانے والے شبخون کی گھناؤنی سازش کو ناکام بنانے میں بھرپور کردار ادا کیا۔ انہوں نے کہا کہ اگست 2014 میں پارلیمنٹ پر حملہ اور ایوان میں آنے والے اراکین پارلیمنٹ کا راستہ روکنے اور پارلیمان کے نظام کو مفلوج کرنے کی ناکام کوشش کی گئی تاہم اراکین نے جرت و بہادری سے اس مذموم سازش کو ناکام بنایا۔ انھوں نے کہا کہ 2014 کے دھرنوں سے دنیا بھر میں پاکستان کے تشخص کو نقصان پہنچا۔ انہوں نے کہا کہ اگست 2014 کے دھرنوں کی وجہ سے ملک کی معیشت کو اربوں روپے کا نقصان اٹھانا پڑا۔ انہوں نے کہا کہ پارلیمنٹ کے باہر دھرنوں کی وجہ سے چین کے صدر کو اپنا طے شدہ دورہ منسوخ کرنا پڑا جس دورے میں پاکستان کے ساتھ اربوں ڈالر کے معاہدے ہونے تھے۔ انہوں نے مزید کہا کہ ایسے حملے جمہوری نظام کو کمزور نہیں کر سکتے بلکہ یہ ہمارے عزم اور جمہوری اداروں کی مضبوطی کو مزید تقویت دیتے ہیں۔ اسپیکر نے عوام سے جمہوری اقدار کے تحفظ اور پارلیمانی اداروں کی مضبوطی کے لیے متحد رہنے اور اپنا کلیدی کردار ادا کرنے کا کہا۔ڈپٹی اسپیکر سید غلام مصطفیٰ شاہ نے بھی اس موقع پر اپنے پیغام میں کہا کہ 2014 کے دھرنوں کے دوران پارلیمان پر حملہ ایک افسوسناک واقعہ تھا۔ انہوں نے کہا کہ اس حملے نے ان سیاسی دھرنوں کے مقاصد کو واضح کیا جو جمہوری اداروں اور جمہوری نظام کو کمزور کرنے کے مترادف تھے۔ ڈپٹی اسپیکر نے تمام جمہوریت پسند سیاسی جماعتوں پر مستقبل میں ایسے واقعات کی روک تھام کے لیے ضروری اقدامات کرنے کی ضرورت پر زور دیا تاکہ اس قسم کے جمہوریت کش واقعات دوبارہ نہ ہوں۔ انہوں نے کہا کہ پاکستان پیپلز پارٹی نے کبھی بھی غیر جمہوری راستے سے اقتدار کا راستہ تلاش نہیں کیا۔انہوں نے کہا کہ 19 اگست، 2014 میں شرپسند جتھوں نے جمہوریت کا لبادہ اوڑھ کر جمہوریت اور پارلیمنٹ پر دھاوا بولا اور جمہوریت کو سبوتاژ کرنے کی ناکام کوشش کی جس کے خلاف اس وقت کی حکومت اور اپوزیشن کی جماعتوں نے بھرپور کردار ادا کیا
پاکستان کی پارلیمانی تاریخ میں 19 اگست کو یوم سیاہ کے طور پر ہمیشہ یاد رکھا جائے گا، سپیکر قومی اسمبلی سردار ایاز صادق
